About

जय पीताम्बरधारिणी जय सुखदे वरदे, मातर्जय सुखदे वरदे ।

  भक्त जनानां क्लेशं भक्त जनानां क्लेशं सततं दूर करे ।।                        जय देवि जय देवि ।।१।।

असुरैः पीडितदेवास्तव शरणं प्राप्ताः, मातस्वशरणं प्राप्ताः ।  

धृत्वा कौर्मशरीरं धृत्वा कौर्मशरीरं दूरीकृतदुःखम् ।।                                    जय देवि जय देवि ।।२।।

मुनिजनवन्दितचरणे जय विमले बगले, मातर्जय विमले बगले।

 संसारार्णवभीतिं संसारार्णवभीतिं नित्यं शान्तकरे ।।                                 जय देवि जय देवि ।।३।।

नारदसनकमुनीन्द्रैर्ध्यातं पदकमलं मार्तध्यातं पदकमलं ।  

हरिहरद्रुहिणसुरेन्द्रैः हरिहरद्रुहिणसुरेन्द्रैः सेवितपदयुगलम् ।।                     जय देवि जय देवि ।।४।।

काञ्चनपीठनिविष्टे मुदगरपाशयुते, मातर्मुदगरपाशयुते ।   

जिह्वावज्रसुशोभित जिह्वावज्रसुशोभित पीतांशुकलसिते ।।                                      जय देवि जय देवि ।।५।।

   बिन्दुत्रिकोणषडस्त्रैरष्टदलोपरिते, मातरष्टदलोपरिते ।  

षोडशदलगतपीठं षोडशदलगतपीठं भूपुरवृत्तयुतम् ।।                                       जय देवि जय देवि ।।६।।

    इत्थं साधकवृन्दश्च़िन्तयते रूपं मातश्च़िन्तयतेरूपं । 

 शत्रुविनाशकबीजं शत्रुविनाशकबीजं धृत्वा हृत्कमले ।।                                         जय देवि जय देवि ।।७।।

अणिमादिकबहुसिद्धिं लभते सौख्ययुतां, मातर्लभते सौख्ययुतां ।

भोगानभुक्त्वा सर्वान् भोगानभुक्त्वा सर्वान् गच्छति विष्णुपदम्                                 जय देवि जय देवि ।।८।।

पूजाकाले कोsपि आर्तिक्यं पठते, मातरार्तिक्यं पठते । 

 धनधान्यादिसमृद्धः धनधान्यादिसमृद्धः सान्निध्यं लभते ।।                                         जय देवि जय देवि ।।९।।